Anonymous
Anonymous asked in 寵物其他 - 寵物 · 6 years ago

新買倉鼠, 但問題多多, 求解答

前幾日買左隻倉鼠,已經無咩點理佢, 淨係拎塊布蓋住佢, 同比籠,水,野食,棉花,磨牙石佢

第1日夜D都見佢會玩轉轉輪, 雖然唔肯食淨糧, 但佢攰左自己會去食同訓教

我日頭要返工, 所以都係朝早7點幾餵糧, 夜晚8,9點再餵, 每晚返到去都見佢食唔哂D糧,我一次放5,6粒左右, 每日都幫佢換木糠, 執佢屋入面D屎, 每日換水, 每日都有放好多棉係佢屋企, 比佢自己咬開保溫

但第2日開始, 夜晚11點幾, 見到好靜, 佢係度訓教原本無咩野, 但無啦啦聽到D滴水聲,係咁"滴滴滴滴".."滴滴滴滴"仲好快,我以為漏水,但又無,觀察左陣原來係鼠度傳黎, 以為佢食野聲,所以無理, 到今日都仲有, 唔知佢係咪有鼻水,另外就係我每晚返到黎, 一掀布, 佢都會探頭出黎望望, 咁我就買左D瓜子, 學人叫佢名, 諗住引佢, 佢唔SO我, 要我拎埋佢嘴佢先食, 但淨糧拎埋去又唔食, 之後周圍爬籠, 係咁咬籠, 又唔肯咬磨牙石, 上網爬文以為佢唔鍾意磨牙石, 咪買左舊木玩具比佢, 點知都係唔咬, 睇佢好想走出個籠....轉轉輪玩幾下望一下, (想走佬) 之後又落返黎, 沿住有光既籠邊爬, 又不停咬, 個籠就爬到上個頂, 好似做引體上升咁, 十足十做GYM, 每隔6,7粒鐘先出黎行1,2個字, 飲下水, 食下野, 周圍行, 之後又返屋企訓, 我隻倉鼠係咪養唔熟? 點先可以令佢唔走佬同唔驚我? 我可以點做

1 Answer

Rating
  • 6 years ago
    Best Answer

    佢應該係唔熟新環境,你要比多D時間佢識應

    1.無啦啦聽到D滴水聲,係咁"滴滴滴滴".."滴滴滴滴"仲好快,我以為漏水,但又無,觀察左陣原來係鼠度傳黎, 以為佢食野聲,所以無理

    可能係倉鼠籠水瓶漏水,我都試過,你最好就檢査一下,又或者買過個水瓶...

    2.睇佢好想走出個籠....轉轉輪玩幾下望一下, (想走佬) 之後又落返黎, 沿住有光既籠邊爬, 又不停咬

    正如我頭先所講 : 佢應該係唔熟新環境,你要比多D時間佢識應

    3.點先可以令佢唔走佬同唔驚我? 我可以點做?

    你可以多D叫佢,等佢熟你把聲,又或者你可以多d伸手入籠餵佢食野...

    P.S : 另外,你唔好餵太多瓜子俾倉鼠,因為食太多瓜子會令倉鼠性情暴躁,仲可能會咬人哦 ! 每星期餵 4 - 5 粒瓜子就ok

    2014-02-09 13:31:25 補充:

    補充第1題

    你最好就檢査一下,又或者買過個水瓶,因為倉鼠唔可以店水,會甩毛

    Source(s):
Still have questions? Get your answers by asking now.