Anonymous
Anonymous asked in 家庭及人際關係單身及約會 · 8 years ago

佢係咪中意我??

呢個暑假,我跟學校去澳洲一個月

呢一個月我無得用電話,同屋企人聯絡,無得用電腦,睇電視。一開始我都以為會好辛苦,點知我過得好好

其實我好慶幸自己去呢個trip前4個月同左男朋友分手,所以先可以咁無顧慮咁去澳洲。記得去之前幾日,本來無再聯絡既佢無啦啦揾反我,搞到我好亂。明明分左手,可唔可以唔好再揾我?就算揾,都比d時間我完全放低左先啦…

其實今次澳洲trip,同我同batch既好多都唔識,d friend全部係另外兩個batch,唔係講笑,真係全部

同我同組既更加係唔識,不過係呢28日裏面,我識左好多新朋友:P同我同組有個男仔,平時係學校直情連佢既存在都唔知。第一眼覺得佢唔差既,不過完全無諗過會同佢咁熟,其實個時連同佢做friend既念頭都無

我地去個時搭飛機佢坐我後面,講過2句。第二開始見到面會hi個d,跟住唔知點解第四,五日就開始好好好好傾xD其實個時都估到其他同學會講,不過真係唔想因為呢d少事無左個朋友…去hike個時,我地成日會一齊行,係咁傾計*其實我地去邊都一齊-_-*有時我會覺得佢成日望住我,不過會同自己講我諗多左。有一晚佢地玩risk我就訓係佢隔離睇,睇睇下睇到自己都好緊張,所以有幾次用睡袋遮住隻眼。跟住佢無啦啦卒我個頭話我好得意,個刻我真係真係覺佢中意我><之後我同左一個女仔講佢話我諗多左所以我都無再諗

有次camp佢話反tent攞嬲,我都覺凍所以一齊去。佢話都試下我個件,所以我拎反佢個件,就係咁我之後個二十幾日都著佢件嬲。個晚拎完嬲反去個陣佢熄左我個頭燈,我怕黑所以行得好慢,佢想叫我行快d不過我真係好驚,跟住突然落大雨,佢就拖住我隻手咁跑。我地就係咁拖左手…之後我地每次夜晚出去佢都會熄左我個頭燈拖住我行,其實我幾中意咁…

我隻手成日好冰,佢隻手成日好暖,所以我好中意捉住佢手臂取暖。有一晚佢話不如拖手啦,因為手臂凍好易成身凍,不過唔同既係今次係十指緊扣

其實我唔介意錫,但係拖手就唔同…總覺得拖手係男朋友先得,仲要係認真個d,所以個晚,真係好奇怪

我地日日比人抽水,佢話我地係朋友,叫我唔好聽人亂講,唔想無左個朋友

我地2個出完去,臨走前佢都會攬我。朋友,真係會咁咩?

其實佢幾好仔,係學校3年都無中意邊個。28日就話中意,雖然日對夜對,但係會唔會有d兒戲?

我好迷惘,有無人可以話我知我想點,佢中唔中意我?

1 Answer

Rating
  • 8 years ago
    Favorite Answer

    我個人覺得如果28日就話中意真係有d兒戲既...但我覺得你地對對方都有好感, 不如你再同佢相處多陣, 但係就算真係中意佢都忍着吾好講着先, 因為佢都講過你地係朋友姐. 你再留意佢多一陣再了解佢多一陣, 自己再諗下先好表白la!

Still have questions? Get your answers by asking now.