中日海空戰...

釣魚台衝突日漸升溫... 而日本聲稱擁有主權, 但卻不敢挑釁中國艦艇, 看來擦槍走火的機會不高... 只是如果一旦開戰, 勢必生靈塗炭... 以下有幾個問題小弟不覺得美國會全面介入的... 請問美國在什麼情況之下才會真正的出兵 ?小弟對軍事其實不太清楚. 中國空軍是否只以量取勝 ?? 即是如果和日本拼盡高階戰機, 還有其他舊式戰機可以取得制空 ?? 數量上, 日本的新型戰機又是否多於中國 ??中國空軍飛行員的質素和日本的相差遠嗎 ??海軍方面, 中國的潛艇部隊是否足以把日本的補給線封殺 ??水面艦隻方面, 中國又是否可以強大的飛彈及導彈壓制日本 ???如果以上各點都不利於日本... 日本又有什麼機會可以嬴得戰爭 ?

Update:

請不要再留下一些只有你才明白的數字密碼, 極無聊 !!!

Update 2:

Steven 兄, 今日和一學者討論相似的問題. 學者說日本的軍力, 不論是航空還是海上自衛隊, 麵是側重於 "防衛" 一項, 例如 F-15J, 其實是最基本的 F-15 設定, 連韓國的 F-15K 及新加坡的 F-15SG 也比不上, 起碼後 2 者是雙位, 明顯有 Weapon Officer 去管理武器系統, 比起 F-15J 的單座設定明顯更為攻擊性, 加上 F-15J 的武器只適宜近距作戰, 未埋身已經死了一半...

Update 3:

而海上自衛隊方面, 雖然日向級可作輕空母使用, 但日本卻變不出一架垂直升降的戰機, 因此這設定是沒意思, 它充其量就是一艘反潛直升機航母. 海上自衛隊的強項在於反潛及掃雷等防衛任務, 它的設定不是攻擊性, 反而是 Fleet in Being 而已... 而且在未出港之前已經被中國的導彈打至半廢...

要發揮日本自衛隊的最大戰力, 是要完全依賴美軍的全面介入, 靠美軍的攻擊力去補償日本的攻擊力不足來取勝. Steven 兄意下如何 ?

2 Answers

Rating
  • 8 years ago
    Favorite Answer

    回henry兄,中日兩國都係東亞巨強,兩國都係世界前列既軍事強國。雖然如此,但事實上中日兩國既軍事實力已經愈拉愈遠,如果日本係都要單獨同中國開戰,輸係必然既事。

    好多人對中國海空軍有好落後於現實既印象。中國空軍現代化三代機數量,包括殲11、殲11B、殲10、Su-30MKK、殲轟七既數量已經超過日本。雖然唔會所有中國先進戰機都會參與對日作戰,但日本空軍與中國空軍最大既差距係F-15J數量不足,只有200架左右,而且最致命既係大部份F-15J都無法發射超視距空戰必須既中距彈AIM-120,相反中國大部份戰機都可以發射同類導彈霹靂-12。即係話只要中國空軍戰鬥機飛行員唔係低能兒,中國空軍就可以係遠得多既距離先向日本頂尖主力戰機開火,日本空軍係第一波交戰中損失肯定嚴重,之後第二波既纏鬥雙方戰機機動力不相伯仲,鹿死誰手都未可知。但幾乎肯定日本空軍戰機能參與纏鬥既戰機數量較少,因為係之前既第一波攻擊中已承受非常大既損失。

    最好笑係有傻仔成日話日本空軍先進,連F-4都以為係先進戰機!有識之士都知道F-4係老過你阿爺既戰機,四十幾年前的確幾先進,依家實在係力不從心。F-2只係F-16極端昂貴既複製品,雖然F-2係機載相控陣雷達既始祖,但係人都知F-2既雷達極易甩目標,實力能力非常令人懷疑。

    中國飛行員既質素係經常被人垢病或猜測既話題。講起日本空軍飛行員,通常都話佢地訓練時數較多,但中國飛行員近年既訓練時數已大幅提高,另外日本空軍飛行員訓練時數較多是否等如戰鬥力較高卻係未知數。小弟曾睇過一篇記載,話日本頂尖戰機F-15J係一次演習中,長機竟然錯手用實彈鎖定僚機,並將之擊落。呢單野簡直係聳人聽聞,首先點解經驗較多既長機竟然唔發覺僚機已被鎖定已經非常驚奇,長機飛行員又竟然可以安心發射飛彈呢下先至最解釋唔到。呢支空軍係唔係如預期中有咁強既戰鬥力實在係難講。

    潛艇係日本完全無得鬥既一個範疇。日本對自己既潛艇部隊及反潛能力有一種好奇怪既樂觀情緒,無錯佢既反潛能力係幾強,但反潛機隊無論幾強都好,空軍爭取唔到制空權完全無用。日本潛艇少,技術並非最頂尖,至少以柴電潛艇來講無論數量及技術對中國完全無優勢。日本海軍最大鑊既係無核潛,核潛因為航程遠,潛深大,令中國海軍可以係公海控制龐大水域,好似福克蘭戰爭期間英國海軍對阿根廷一樣,日本潛艇因為只係柴電或最多只係絕氣潛艇,續航力不足,只可以係母港較近水域作戰。除非中國核潛係非常靠近日本既水域活動,否則日本海軍好難擊沉中國核潛。另外,中國較先進既柴電潛艇至少同日本所有最先進潛艇同級,數量亦唔少,對日本來講非常難搞。

    好多人鐘意執日本仔口水尾,話中國海軍水面艦艇落後好多,但你叫佢地講究竟落後係邊度或落後幾多佢地立刻收聲,因為根本講唔到。老實講,如果十年前,話中國戰艦比日本戰艦落後絕對正確,但依家仲講就好難有說服力。首先落後係邊度﹖日本最先進戰艦有較多既垂直發射單元,反導彈飽和攻擊明顯比中國海軍強,日本戰艦反潛能力亦應該較強,但日本艦隊反艦能力非常弱,三十年來都只係用無乜改良既魚叉飛彈,相比起反艦能力非常多元化既中國海軍,呢樣野極端致命,之前對中國既優勢幾乎無意義。隨著東風21C及不久將來反艦巡航導彈既服役,天秤更繼續向中國一邊傾斜,日本連本來較強既反導能力都未必招架得住,事實上日本水面艦隊面對中國艦隊,打擊手段唔多,而且效能非常令人懷疑。好多人話中國多年未打過仗,但講呢啲野既人明顯批判思考能力非常差,中國六十幾年國祚起碼有1988年既西沙海戰作參考,雖然只係小衝突,但日本海軍真正係六十幾年來完全未打過仗,連小衝突都未試過!點解有人會對一支三份二個世紀都未開過一炮既海軍咁有信心﹖

    中日戰爭,日本唯一可恃既只有美國係後面撐腰,面對超強美國,加上日本聯手,中國的確唔係對手。不過咁樣即証明日本獨自面對中國根本無有效政治手段可選擇,即使聯合美國,日本仲要小心中國會用戰爭以外既其他手段抗衡,呢啲更加係無法估計同難以招架既變化,尤其日本經濟唔好,外交地位差,近來一次過得罪晒中、台、韓三地,連美國都唔敢公開支持,可見係軍事外既其他方面,日本既承受力係非常脆弱。

    2012-10-04 00:49:39 補充:

    關於F-15J及日向級,小弟有幾句想回應。F-15J係空優戰鬥機,F-15K及SG係設定上係戰鬥轟炸機,兩款戰轟機後面有一個武器官係正常配置,相反F-15J作為純戰鬥機,實在應該只有一名飛行員。F-14有兩個人係因為AWG-9非常複雜,所以侷住要坐多一個人。F-15J最大既問題係大部份無超視距空戰能力及機體壽命太長,是否可以承受高強度作戰係未知數。

    2012-10-04 01:17:52 補充:

    日向號既用途要睇佢既任務如何。其實如果日本無F-35,隻艦只能做反潛母艦,當然呢個角色對中國海軍來講威脅都幾大。不過由於日向號基本上係一隻航艦,防空能力薄弱,連防空主角金剛級都好有可能自身難保,如果日本神盾真係破功,咁日向號只會係一個活靶。

  • 8 years ago

    1.

    有錢揾美國就介入(81)以北軍方角力

    Source(s): 2015我方擁有本六億偶2035
Still have questions? Get your answers by asking now.