promotion image of download ymail app
Promoted
Anonymous
Anonymous asked in 家庭及人際關係婚姻及離婚 · 9 years ago

私隱 vs 坦白

我已婚一年, 女性, 無仔女

未婚前與老公相處3年, 一直互相信任

雖然我唔係太鍾意佢相約異性朋友單獨吃飯 (因工作關係不計), 但都唔會阻止, 只要佢事前同我講聲係邊個 (因為我基本上都知佢o的朋友咩名), 我會 ok

結婚幾個月後, 因為大家用埋同一部電腦, 俾我見到佢 facebook message box 入面見到佢同另一個女仔o既 conversation, 我覺得佢同個女仔講o野有曖昧, 但我知佢地實際上係咩都無做過, 因為個女仔唔o係香港, 而個女仔 reply 佢o的語氣好冷淡

當時我好震驚, 因為一直以為老公係一個專一, 唔會撩女仔o既人

我好傷心, 同老公講, 佢用o左好多借口 (我覺得係借口), 去解釋o個o的對話, 例如講笑o者, 做個朋友o者.... 最後我都原諒o左佢, 但同時佢都鬧我侵犯佢私隱, 我就覺得身無屎的話有咩所謂 (我所有 password 都俾佢知, 有幾多私己錢佢都知)

但因打撃太大, 我開始唔相信佢

暗中 check 佢 facebook, msn 同 sms

之後唔止一次俾我發現佢同其他女仔口花花 (都唔算係曖昧), 例如, 叫人地去游水記住預埋佢 (ps: 我叫佢陪我游水佢就 reject), 例如, 因有一次有事推o左人地o既飯局, 於是就同個女仔講, 搵日遊車河啦咁

我地為o左呢o的事經常嘈, 就算我相信佢無做越軌行為, 我覺得佢應該避嫌, 佢已經係有婦之夫, 佢無必要講o的咁o既說話, 因為我表明我唔鍾意

我覺得佢 double standard, 佢對我好大男人, 例如我著o的衫個領低少少佢就話鬧我, 我唔開心喊時佢又叫我"收聲", 我幫襯開一個 hairstylist 幾年, 因為個 hairstylist 對我好好成日俾 discount 我, 又好了解我o既 style, 後來有一次佢陪我剪頭髮, 之後我估計係因為佢認為我同人地太熟 (超過客人關係) 望

後來每次佢都 say sorry 話應承以後唔會乜乜乜... 但我忍唔住偷睇佢o的o野, 問題一次又一次地發生, 無改善過

因為我好少男仔朋友, 亦唔會約 / 被約男仔單獨食飯, 所以佢對我就無以上o既問題

上星期又因為類似事件嘈

我好唔開心, 覺得佢一再 promise 我, 但最終都無做

即係我再同佢講都無意思啦

於是我同佢講, 可能我將我個底線加高o的, 我容許我老公做o的我覺得佢唔應該做o既o野, 同時我就做返o的我覺得自己唔應該做o野o既 (例如我可以叫男仔朋友打羽毛球時預埋我)

我同佢講時, 佢好寸咁話 "以為就咁啦"

過o左一晚, 佢又話 say sorry

結果我都無做到

其實我知我呢個思想係服仇行為, 我知我唔應該偷睇佢o的o野

但之前個打撃太深

我身邊太多人因為第三者而分開

我親身經歷係, 當年有一個男仔約我食飯 (我知佢有意思追我). 我問我當年o既 bf, 佢話是旦啦, 就俾我去o左

結果o個餐飯, 個男仔拖我隻手, 我地互相有 feel, 後來我即刻同我個 ex-bf 講, 成件事反覆拖o左個幾月, 最後我接受唔到自己做出呢o的不忠o既事 (沒有性關係, 但極 guilty), 同 ex-bf 分手

我發誓我唔會再容許自己再做類似行為

我之後都無再拍拖時同其他追求我o既男仔來往

上述事件令我對我另一半都有相同o既 expectation...

原本我以為睇多幾次, 無事的話我唔會再睇

但佢一次又一次 break o左 promise , excuse 係 "我唔知你會嬲", 我一時唔為意

我覺得不安心, 我無可能隻眼開隻眼閉, 我份人好重視專一

好煩惱, 可以點樣

Update:

若果認為先同居可以了解雙方為人, 係咪即係話同居合唔來的話, 雙方就要分開?

如果係咁, 就唔係真愛啦...

4 Answers

Rating
  • 9 years ago
    Favorite Answer

    愛是相信對方. 但信任是用時間一點一滴去建立. 當問題一出現. 信任便即時打破. 您們又要一段長時間去再建立.

    我個人對同居不反對. 但自己一定不會同居 因同居 其實已接近等同結婚 但為何不結婚. 怕簽紙 ??? 法律保障雙方 我愛對方 當然要給予承諾給對方, 而只有結緍才得到合法承諾及保障... 大家唔愛得深. 才不會結婚 既然大家找借口不結婚. 才會同居....

    回正題

    我唔覺得您去偷看是好錯. 反之 男應要守行為. 直至改善及重建大家信心為止. 因信心已經被您先生打破. 您現在不應偷看 , 應大家講明, 您明看. 您好重視珍惜呢段感情 好愛您先生, . 才不希望您老公再有不正確的用詞 言語去與其他異性溝通.

    您要有心機. 理性. 勸喻. 和善 等方式去引渡佢. 相信您先生都有小小大男人. 要用軟功. 不能硬功

    同時要讓他明白. 他自己已經結了婚 眼中只可有太太. 其她異性. 交談都不能過火. 令人懷疑.

    作為太太. 對先生要更好. 令您先生身邊的所有人都讚您. 更要結識您先生所有異性朋友.

    現在 您先生 應該守行為 讓太太去看一切 這不是私穩問題. 而是信心問題. 不能再用私穩作借口. 如果沒有不正確行為, 應不怕讓您看一切. 請他用行動證明一切. 重建大家的信任.

    • Commenter avatarLogin to reply the answers
  • 9 years ago

    私隱,係要有但唔係媾女借口!

    記住男人衰物都得,就係搞女人唔得,

    唔好比佢慢慢搵位入,搞下搞下無野都變有野!

    如果比佢撞著一個發姣甘點算?

    大班人時口花花就無問題,單對單時口花花就大問題(尤其個女係單身)!

    老公係要管,但係要識得幾時收幾時放,亦要識得比面佢!

    有時試下用暗示,暗喻,或者妳可以同佢講妳唔出聲唔代表妳唔知,

    睇下佢識唔識自己收歛!

    其實妳都下下講得甘明,佢都係甘,妳最好為自己打算下!

    • Commenter avatarLogin to reply the answers
  • Anonymous
    9 years ago

    你咪都搵d同事搞曖昧囉... 佢問起,你咪 一堆2堆佢講過o既理由.

    講真佢又冇同人搞咩. 你都幾冇安全感.

    你同第二個男仔口花花,佢咪會著緊你多d囉. 佢叫你唔好乜乜乜.你咪唔好理囉. 照樣做自己鐘意o既事.冇理由因為有個花心老公難為自己. 使唔使o甘聽佢講?

    佢對你唔好,就冇必要再聽佢講架喇.

    到你真係對佢心死喇,咪離婚囉 .同居就更係no way 喇. 男人就鐘意. 因為同係free sex w/o committment. 女人更係唔抵喇. no good at all.

    2011-06-16 13:47:06 補充:

    同居只係搞清楚對方生活習慣. 佢對人對事態度,係靠長時間相處. 但好多人冇同居一樣可以有美滿婚姻. 因為太多男人用同居做籍口黎唔結婚.當然.都因為可以同人同居得到性生活點解要結婚o者? 你話喇?

    • Commenter avatarLogin to reply the answers
  • Anonymous
    9 years ago

    你地跟本就唔了解..

    一齊3年..

    做咩咁快結婚?!

    真係諗清楚?!

    結婚前..

    應該要同居..

    我覺得咁先知道佢為人..

    同私下待人處事..

    如果我係你..

    我會好言好語叫佢改..

    特別講邊d唔好做..

    如果唔係我會對你好失望..

    比d壓力佢..

    如果佢再犯..

    就用鬧既..

    大吵大鬧..

    直到佢promise你..

    如果佢都仲犯..

    就唔愛你丫..

    咁多次機會都唔識珍惜..

    咁你要諗下..

    呢個男人值唔值得你依靠..

    • Commenter avatarLogin to reply the answers
Still have questions? Get your answers by asking now.