Anonymous
Anonymous asked in 家庭及人際關係其他 - 家庭及人際關係 · 9 years ago

想問問大家ge意見

最近一間補習社請左我去教一班初中ge學生,小組形式黎。

本身我冇乜經驗,所以呢間補習社肯請我我都覺得幾開心下。

第一堂,學生見到新老師,ok正正常常,冇乜特別事情發生,我教ge進度都ok流暢。

咁過多兩、三堂之後,同班學生熟絡左,大家開始有傾有笑,有d似係fd咁,我覺得師生能夠有呢種關係係好ge。

不過,亦可能係我份人本身太過lum善,唔會點罵人,班學生慢慢show晒自己d本性出黎,上堂開始玩手機、冇乜心機聽書、傾計、做自己野、講粗口、聽mp3、嫌我教書教得悶...

咁其實我都做過學生,我絕對明白佢地ge諗法。暑假冇啦啦俾屋企人逼黎上補習社,自己心不甘情不願去上堂,邊度會聽得入耳。佢地有以上行為我係理解ge。所以我贊成係自己個教學方法方面要有改變,唔可以再咁依書直說,可能要轉下模式,同佢地玩下,引導佢地入去課題到。

我試過變,例如上堂會show d video俾佢地睇下,玩下戲劇仔,同佢地玩下一d馬拉松接龍或者係數學遊戲。開始ge時候,大家係受落ge,佢地都肯參與,但係有次有位同學向我complain話︰「乜我地俾錢黎呢到就係做埋晒d咁ge野?」當堂真係好hurt同埋好灰心。

其實我做呢d野ge目的無非係想提起佢地學習ge興趣,咁可能係我lead得唔好ge關係,令到佢地覺得冇咩料到。但係如果照番舊時ge方式,我怕佢地會悶到暴斃係課室。其實呢班人,補習社間接同我透露過,都係一d 緊緊升到班ge人,屬於學校成績麻麻個批人黎。學業上,我係想幫佢地,但我發現要佢地拎起支筆,係份筆記到做一d簡單ge題目,佢地好多時都係一副愛理不理的態度。我會諗到底會唔會係我自己仲未夠火喉,未夠班去令d學生信服,所以曾經有諗過辭職呢個念頭,費時真係誤人子弟。

補習社同我傾過,認為應該要採用一套強硬的方式去維持課堂ge 紀律,班學生先會肯專心聽書。呢個方法我相信係work,但係我真係唔太識得好惡或者好兇咁訓令班學生。大家其實年齡層相差唔係太遠,只係五、六年左右,感覺上咁做會有d奇怪,再加上我性格真係幾軟lum lum,有幾次我試過想喝令佢地,但係句說話即使去到嘴邊都係講唔出口。

我唔知算係好彩都唔好彩,補習社俾左中英數呢三樣主科俾我去跟,講真我成績唔top,難得間機構肯俾咁大個重任我,雖然要自備教材,我都會用好多心機去prepare同埋做。有段時間我因為要番大學d summer course,d notes好多時都做到成凌晨五、六點。我有問過自己,有冇必要咁做,學生唔太受教,何必要咁認真?個刻我個心情真係好矛盾,想教書但又突破唔到自己個性格去做好 maintain discipline ge事情。佢地玩手機,聽mp3,上堂擅自帶暑期功課番黎做ge時候,我會話︰「上堂唔好做其他野呀ha。」我相信係因為自己講野唔夠火氣,所以佢地好多時都唔理我。我知道自己個性格好難變,所以我會諗下,會唔會有其他方法可以好溫和但又能夠令到佢地自律d呢?奈何我到呢一刻都未諗到。

講真班學生係幾smart下,就我觀察黎睇,佢地係hea底成績先會差。佢地係好talkative,所以,我而家用ge方法好多時都係同佢地傾下閒計多,睇下有冇機會可以借d「椅」轉入去想講ge課題,可惜咁做一堂教到同埋講到ge野真係係少之又少。我真係唔係太清楚仲可以做d咩。不過幸運ge係,我同班學生ge 關係都叫做良好,間唔中大家上堂一齊講下笑話,搞下爛gag,分享一下一d生活體驗。不過咁做似乎又同補習個原意有d唔同咁,因為實際上好似冇乜教到佢地野咁濟,大家坐埋一齊,似係一班friend係到傾計吹水,多過似係教書同埋學野,良心好多時都過意唔去。有次我聽到個學生同另一個人講︰「俾錢黎補習,個老師成日講埋晒d無聊野。」個刻個心真係好唔舒服,百分之一百覺得委屈,完全唔知自己仲可以點教落去。用正式學校個套方法咁教,唔受落,轉模式玩下d game,覺得俾錢黎做呢d野係無謂,依家試下由傾計中灌輸一d知識,又認為講太多無聊野。

我承認自己ge經驗係唔夠,但係有陣時做左咁多野都俾學生槍決,認定係「無聊」、「無謂」,話唔frustrated係呃人。當然,以上只係我自己主觀ge感受,對於班學生黎講可能又係另一回事。

所以我想係到問問各位,覺得我個教學方式仲可以點樣改善?

Thanks.

1 Answer

Rating
  • 9 years ago
    Favorite Answer

    只要係做緊正確嘅野

    任d學生點誤解你為人都好,

    就算做佢地眼中嘅衰人,

    都無所謂架,

    總之一定會有人明白你,

    你班學生都十幾歲人,

    就算佢地幾幼稚都好,

    成長一定有嘅,

    唔使驚佢地dislike你~

    體諒到,理解你嘅學生大有人在,

    咩都做唔到,

    只會成為佢地父母眼中嘅衰人,

    佢地話你淨係講無聊野,

    你就塞d料比佢地啦,

    佢地話比錢唔係黎吹水,

    咁佢地父母比錢唔係比仔女黎嘆冷氣啦~

    你話佢地唔肯聽書,

    係因為唔聽書唔聽話根本無punishment,

    佢地嘅Talkative另一面黎講係無專注力&自律能力,

    我諗可以吸引到佢地嘅焦點,又塞得住人地把口嘅,

    只有問題&試卷,

    而一定要明白一點係,

    令人願意去主動聽+答,

    係因為佢地可以喺其中吸收到一d野,

    如果佢地喺補習嗰陣得到嘅苦悶感&負面情緒唔夠得到嘅知識多架話,

    咁就喺其中比多d成功感佢地,

    或者加d甜頭比做得好嘅人 , 再唔係比較專注嘅學生赦免一d功課 / 工作

    但係如果咁都係唔得,

    咁你有5個選擇,

    一, 放棄, 當淨係同聽嘅人補習, 同一般上堂無異

    二, 斯巴達式教育

    三, 自己諗

    四, 震撼教育 <=特別名詞-__-

    五, 同佢地講你點諗 <=可能會令情況更差都唔定

Still have questions? Get your answers by asking now.