Anonymous
Anonymous asked in 家庭及人際關係單身及約會 · 10 years ago

我要點做? 佢唔彩我呀 幫幫手大家!!

真唔好意思 有d長呀慢慢睇 唔該唔該

我係男仔 女仔大我1年

我地平時都有起msn傾計

直至半個月前考mock時候

佢sd sms比我 開始用sms傾計

重點係佢搵我先 平時起msn都係大多數佢搵我

有時佢都有打黎 但係講d冇理啦間既野

有次講到我唔會半夜起身溫書 因為我起唔到身

之後佢就話佢可以打比我叫我起身 又真係有咁做到

又有次佢同我講佢好鍾意我寫比佢張記念冊

但話可惜我冇派比人 佢只好起msn打出佢既心意咁話wo

但最後都係冇講到...

開頭我都唔知咩事 但慢慢就開始講d野有d曖昧(講緊我)

但係佢都有講下 我以為大家玩下姐 加上我又唔係講好多 1句起2句止

而且都冇講個d真係好情情愛愛既野

佢都好真心同我講野 冇呃我 佢又冇對第d男仔咁既 班上又冇咩男仔朋友

問題黎啦

上星期因為一件小事激嬲左佢 但都唔知係唔係真係嬲

佢之後sd左3個sms黎 (發嬲後)

1:佢話佢好憎我咁講野 好煩好煩

我之後講對唔住啦

2:再問[你到低當我係咩]

我嚇左嚇 我答佢我當佢朋友啦當然

3:再話[你成日講埋哂d咁既野到低想點 有咩就直接講]

我之後不停講對唔住

之後就冇再應過我

前日成班同學食飯

佢都起到 睇佢個樣又冇話好嬲我 我講野佢都有起到笑

佢又冇封到我msn

但之前打比佢佢又未聽就直cut我線

有咩嬲都成星期啦 難到我拒絕左佢咩

我真係好想做番好朋友 但真係唔知佢諗緊咩

我而加要點做呢 打算約出黎講清楚

我又冇鍾意佢 但係都有d好感既 點算好

我知我做錯 但係我要點做呀!!

大家幫幫手 十萬分感激!!

打錯字請原諒!!

3 Answers

Rating
  • 10 years ago
    Favorite Answer

    其實好明顯條女就係鍾意你!

    你亦都好明顯知道佢鍾意你!

    如果唔係,你唔會打上面咁大堆野!

    呢d都係你自己搵到既證據!

    其實你激嬲左佢d咩?

    激完之後,佢仲要問你到底當佢係咩!

    係唔係同感情有關既野!

    令佢覺得你玩梗佢?

    所以佢嬲!

    佢係咪嬲梗你唔當佢係女友,而你又做左d咩曖昧野令佢尷尬?

    如果你鍾意佢,咁就好辦!

    但係你又唔係!

    佢而家咁嬲你,已經wea爛塊面!

    擺到明就鍾意你!

    如果你同佢講我地做對好朋友,或者做兄妹咁仲好過啦,

    可能梗加激死佢!

    老子認為你應該認認真真去考慮下你地既關係!

    既然都有好感,如果條女唔係咁差,都諗得過!

    所謂,有食唔食,罪大惡極!

    如果你好執著,一定要自己都好鍾意佢先可以發展,咁係唔得!

    要搵到一個你愛的人,難!

    搵到一個愛你的人,更難!

    呢兩個人仲要係同一個人,你話係咪難求?

    所以好少一開始兩個真心相愛既人眉來眼去咁樣慢慢拍拖結婚!

    往往都係a方睇中b方,追求b方!

    令到b方由唔鍾意變到鍾意!

    即係一方主動,一方被動!

    而巴打你就好明顯係被動個方!

    你而家唔鍾意o者,感情有得培養架嘛!

    at least你唔抗拒先!

    呢個世界有日久生情!

    同埋,男人真係容易d接受送上門既女仔,唔係講笑!

    即係家陣唔係叫你即刻食左佢!

    巴打你要諗既,係究竟有冇機會發展!

    有既,就氹番佢!

    語氣可以曖昧d,好似氹女友咁!

    因為而家開始交往,睇下過唔過電!

    關係會變左朋友同情侶之間!

    上到既就繼續想,試用期!

    到時你ready好晒,咪同佢表白,拍拖!

    如果你真係完全冇feel,完全唔想食!

    咁都可以叫佢原諒!

    唔通佢嬲梗你,你完全無視佢咩!

    但係say完sorry之後,佢就算原諒你,你地都番唔到之前咁!

    只係做番普通朋友算!

    你諗下,人地當初點解同你咁fd?

    為左接近你囉!

    咁點解接近你?想同你拍拖囉!

    所以如果你拒絕同佢拍拖,咁佢都應該放棄再追求你!

    你唔能夠太貪心,要求一個追你唔成既女仔留係你身邊!

    我係佢都要面啦!

    將心比心,你自己追女衰左都唔會成隻狗公咁做佢隻兵啦!

    即係,而家兩條路你揀,發展定唔發展!

    冇可能還原基本步!

    因為條女根本就唔係想同你做fd咁簡單丫嘛,一開始已經有目的!

    但係你而家應該會考?

    老子覺得現時你應好努力讀書,條女咁樣添你煩惱,太擾敵啦!

    所以你都唔好考慮太耐!

    一日/半日啦,真係慢慢諗!(或者考完先諗)

    決定左食,就約佢一齊溫書囉,push下大家!

    決定左唔食,就真係同佢道多幾次歉就算!

    佢肯原諒你都話之佢啦,閉關溫你既書先!

    有咩考完試先再同佢傾!

  • 10 years ago

    我諗佢係仲意左你

    但係佢想你自己感覺得到出黎

    如果你係冇鍾意佢 但係都有d好感既

    你又可以同佢試下

    唔好接觸一至兩個星期到

    咁你就會知道自己真正既諗法

    可能你會更加清楚添

  • 10 years ago

    我諗佢係鐘意你

    你千其唔好話"我唔鐘意你"

    如果佢真係問你係咪鐘意佢,你先講真話

    要強調"有d好感"(佢d咁既性格你話唔鍾意佢真係會反面)

    你而家要做既係買/做/講d野令佢會happy番

    但係你又唔好表明有鍾意佢既成份

    或者我講到好難做

    你咪約出黎話[真係好對唔住呀,我知我做錯!我好想同你做番好朋友,傾下計]

    請佢食野lor

    唔敢就係msn留言,sms講d真心話,打動佢

    我都係女仔,佢點諗我明,佢唔會小氣到咁卦

    最好就小息同佢講,放學搵佢high tea

    但係可能會比人傳緋聞,要小心d

    老實講,最好既方法係你鐘意佢,咁就可以好容易好番

    希望你地好番=]

Still have questions? Get your answers by asking now.