(北上學gel甲&本港國際証書美甲課程)邊到學好=(

各位 ,

實在是太煩惱了,我發現本港的美甲課程&學校也太多na. 未知邊間先系最實用可靠+學到野 5會紙上談兵 =( 我都有先上深圳學甲的打算 有無人知道邊到學好呢 我知道係大陸學的千幾2千都有 不過有無人知道詳情呢???

另外 要點樣先可以成為一個美甲師 同埋開鋪又要點樣呢

希望 有人可以認真咁答下我 ....

宣傳的麻煩5好係我呢到搞事 ;;

1 Answer

Rating
  • 1 decade ago
    Favorite Answer

    我喺香港學美甲, 我喺大陸商業城比人整過指甲,我亦喺我報讀嗰間學校揾我Miss幫我整過指甲後,我才報名。大陸商業城整甲,真係好求其,非常唔合衛生,不過佢哋畫花真係好快,好靚。但我都係buy我Miss嗰套多啲。我揀我學校嘅原因係因為我見到佢哋真係教咗好多學生出嚟,然後真係開到舖頭, 另外因為我報名之前眞係揾過個Miss幫我整指甲,佢真係整得快、靚、正。我覺得我要學就梗係揾個有做過美甲師嘅導師學啦, 如果唔係only紙上談兵,我覺得無意思, 同你嘅諗法一樣。學校嘅校長都係美甲師出身,由細細間舖,做到而家做學校, 佢會親自教學生開舖頭及美甲店應該點運作。我而家做緊freelance美甲師, 同我同期學嘅有一個同學仔,佢已經喺將軍澳開咗舖喇。我哋學校學完之後,唔會唔理我哋,周不時都會搞吓聚會,我哋都有機會識吓其他同學仔, 有啲畢業生自己開咗舖之後,都會請番我哋呢啲師妹做嘢。我上次參加聚會新識到嘅2位同學仔已經喺尖沙咀利時、銅鑼灣耀華街開舖喇。你可以去睇睇佢哋嘅店吖。還有,你嘅問題點樣先可以成為美甲師,教學上嘅講法, 你要考到美甲師證書, 你要識得修手+修腳, 手足護理, 塗甲油, 畫花, 雕花, 水晶甲, Gel甲, 而家最好識埋噴槍。但現實做客嘅美甲師,你除咗識以上技能外,你最緊要識得同個客傾計,聽佢哋講心事,要好記得每個客鐘意咩花款,咩顏色,佢哋嚟到整甲嗰陣,千祈唔好要佢哋太花腦汁去諗整咩色,咩款。我哋做美甲師要識得幫佢設計。記住你仲要清楚你個客人嘅性格,如果佢係屬於有型嗰啲人, 佢哋唔鍾意雕花,佢哋會覺得好女仔,好娘! 佢哋鐘意深少少嘅顏色,畫pattern佢哋會like好多。要做家務嘅家庭主婦,大部份都唔鐘意黏閃石,因為佢哋覺得容易掉,佢哋比較鐘意整閃粉。要清楚客人嘅性格,就係要靠傾計喇。你本身鐘唔鐘意同人講嘢先?你怕唔怕醜?做美甲師都係服務性行業,你有無禮貌都好緊要架。

    希望我嘅答案幫到你啦。比埋我學校條link你,你睇吓有無課程啱你啦。

    Source(s): www.creationnailpro.com
Still have questions? Get your answers by asking now.