Anonymous
Anonymous asked in 家庭及人際關係家人 · 1 decade ago

無辜被收數公司追數

本人最近被自稱是收數公司的人追04年7月的數,他們說是報紙數(貴利數),但我根本就無借過,(唔知係咪之前借過的二三線財務賣咗資料比人),佢地話我借咗個姓姚的人$5000元,我叫佢地攞張入數紙嚟又話咁耐既數係無既,咁我話點解咁多年都唔追要等到而家09年先追呀,佢地又話咁而家有無心還呀,有就幫我傾個靚數返嚟,居然話還$5000可以算數,咁樣擺明係電話騙案啦............我已經報咗警,但而家佢地仲有打電話嚟,好煩,唔知有咩辦法可以叫差人做野,因為差人講過要佢地做咗不法既行為,差人先會做野,我本人就唔驚佢地既,怕就怕佢嚇親d老人家,同埋佢地係有留電話的,連打我電話留言都用同一個電話(有來電的),唔知有無人可以教吓我點做呢

Update:

但他們有我的資料,到現在還打電話嚟,我已不會接聽的,差人同我講如果佢地上門既就即刻打999,或他們做非法行為就會立即由差人做野,話雖如此,但是無理由等發生事才報警等差人做野,到時就遲啦

Update 2:

希望如果有同樣事情既人都去報警,等警方知道而家好多人攞人資料去呃錢,其實我去報警個日,差人都話最近有好多同我咁既情況既人,阿sir話首先就係唔需要再聽這些人既電話,最好就改埋電話,唔好比佢地系電話入面玩心理戰,仲講話佢地夠膽上嚟就即刻報警唔駛同佢地講野,等差人做野,或可以立即叫保安上嚟話有人滋擾,起碼有人見到佢地既樣,就算比佢地走咗都唔駛驚,最好就大聲嗌出嚟叫有人恐嚇,等附近鄰居幫手(這全部都是差人教的)

2 Answers

Rating
  • 1 decade ago
    Favorite Answer

    我個人就認為電話騙案中的人,是捉別人怕煩和害怕的心理。有人擔心人生安全便屈服比錢。

    其實你冇借過錢,就不要理會他們,他們求財應不敢亂來的。

    不要太擔心,如果他們再打電話來,直接話已報了警,他們比你還驚。

    2009-09-23 21:12:03 補充:

    認同差人之說!^ . ^

  • Yan
    Lv 7
    1 decade ago

    佢知你電話 , 但佢吾知你地址 :

    所以吾駛驚佢 , 報左警就得 , 警方要幫人處理 ~ 放心 !

    咦家好多電話都系廣告 / 借錢 .....

    所以你吾駛甘多 , 即時 cup 線就得 ,

    一定吾可以話你 d 資料比人聽 :

    地址 / 家庭背景 / 銀行資料.......

    ( 要教家人點處理 , 吾系就會變受害者 ! )

Still have questions? Get your answers by asking now.