Mark asked in 健康其他 - 健康 · 1 decade ago

How to be muscular?

How to be muscular?

How to be muscular?

1 Answer

Rating
  • JT
    Lv 7
    1 decade ago
    Favorite Answer

    我估計你係青春期發育中的年輕人吧?

    如果你仍處增高期,就不需要太急於練大隻或增肌,應該做多點帶氧運動,例如跑步,游水,打籃球等,加強心肺功能,強化骨骼,更能幫助整體發育添!況且,舉啞鈴或其他肌肉鍛鍊都要有良好的心肺功能作為基礎的,不要未學行先學走。

    到你 16 歲,才正式練肌肉吧,而且要正式去學的,不要自己胡亂試。康文處轄下健身室最適合你了,價格相宜,基本設備齊全,有免費教練,又唔會 hard sell 或以不良手法推銷。

    當然,你真係想做點簡單的肌肉鍛鍊亦可以的,例如掌上壓,sit up 一類。

    至於點解你做幾下掌上壓就唔得呢?好明顯都係因為你唔夠體能,而要增強體能,亦係靠基本的跑步游水打籃球,幫你增強心肺機能至得。

    事實上,就算你他朝大定想做 gym 練大隻,都要有量好心肺機能配合才有效的,否則任你點做肌肉訓練都無料到,唔會增肌。

    另外要留意生活上,飲食和休息的配合:

    1。休息。最基本就係睡眠,你每晚睡眠夠 8 小時嗎?定時定候訓覺,抑或晚晚都唔同鐘素呢?

    都市人好多都會忽略睡眠的,但睡眠卻不一般人想像的還重要,因為身體好多修護 / 回復 / 增強的程序作用,都是在睡眠中才發揮出來的,睡眠不足,連帶呢 d 修護 / 回復 / 增強的程序都沒法正常進行,體能也無發增長了。

    2。營養。運動後必須要補充碳水化合物和蛋白質,前者為身體提供能量,後者作為強化肌欲和修補運動後的損失,兩者缺一不可。好多做運動的人,都會運動後立即食少少野的,例如一份三文治,一個生果等等,就係為了補充營養了。

    如果你唔夠營養,身體沒法補充失去能量,肌肉欠缺蛋白質去強化,體能就沒法提升,甚至會退步添。

    至於食極唔肥,也是要竅門去解決的。天生瘦的人如何提升營養吸收呢?有幾個要訣的:

    - 少食多餐,即係每餐唔需要勉強食好多,但係要分多幾餐來食,例如每天加多個下午茶(三文治)同食宵夜(例如一個麵);

    - 多食蔬菜,蔬菜同水果對腸胃吸收好大幫助的。建議每日最少食一個橙或蘋果,食夠兩個更好;

    - 多食碳水化合物和合蛋白質,呢量樣野都增重同增肌都非常重要。碳水化合物合提供能量,而蛋白質係製造肌欲的重要成份;

    - 少食油膩,好多人都會誤會,以為瘦人要食多點脂肪。其實剛好相反,瘦人多半都係腸胃吸收力低,而大量進食脂肪會加重腸胃負擔,結果令吸收力更差!唔係叫你唔食油,不過要少食,清清地就可以了。

    3。放鬆自己。唔少瘦人都係容易緊張,甚至帶點神經質的。所謂心廣體胖,要心情舒暢,懂得放鬆自己,才會長肉的。我自己情緒緊張的時期,真係點食點操都谷唔漲肌肉的。

    要記住,體能也好,增肌也好,係好漫長同要好多野配合的,而且要好有恆心。

Still have questions? Get your answers by asking now.