去北海道事宜

本人2009/2/7-12上午就會去北海道,我知果時北海道就算唔多落雪都有積雪,天氣都會好凍?咁應該要著d咩?我係香港最凍ge天氣都只不過你著一件唔厚ge棉褸同一件薄ge長袖衫,咁去北海道我洗唔洗買大褸?(我唔滑雪ga)north,lafuma,adidas,nike....ge羽絨定係columbia的防水大褸?我琴日走去馬拉松ge地方問過,佢地話著羽絨果d去到如果落雪就會唔凍,但又平d喔,而columbia的防水大褸就可以防水防雪果d,但就好貴呀?咁其實需唔需要買哩種?另外,到鞋喇,咁我洗唔洗特登買果d爬山滑雪鞋呀?如果我有對nike坑紋唔深ge跑步鞋,o唔ok呀?到褲喇,著牛仔褲或者普通運動褲又o唔ok呀?點算,麻煩解答呀,thanks!!!

Update:

咁其我果對運動鞋呢,好似allstar的鞋底咁ga,只不過唔會好似allstar咁"扇",但係唔係好厚踭ga?咁行雪地有無問題?因為北海道係果時周圍都有積雪,我最驚就係到時行係雪地"扇",搞到跌低咁樣衰呀!我好似唔知係邊度見到本書,有講到有一種貼係鞋底,可以行係雪地防"扇"ge,知唔知邊度有得買?幾錢一對?

Update 2:

仲有既然係咁,咁我仲洗唔洗買防水大褸呢?邊度有羽絨或者防水大褸平d ga?例如開倉果d,通常係邊幾時ga?尖沙咀定旺角?羽絨城又幾時大特價呀?依家去買會唔會有平ga?仲有呢d旅行o急邊度有多款又平ga?我唔要百佳買到果種呀!仲有呢,我想問東京同北海道,會唔會差好遠呀?因為2009/2/12下午-17會係東京逗留,會唔會有積雪ga?最後呀,就係2月份ge日圓會唔會回落呀?依家成8.3對呀!咁咪好蝕,無諗過呀!咁點算?我係會係2月頭先去唱錢呀!麻煩解救~~~~thanks!!!!

3 Answers

Rating
  • Lam...
    Lv 7
    1 decade ago
    Favorite Answer

    1/ 我地去年冬天北海道都係著 fleece + gotex 褸, 好夠暖

    不過你去6日, 可以就最好問人借褸, 如果唔係就睇下你自己駛唔駛買件, (係我就一定唔會買, 一係問人借, 一係著多幾件衫就算, or帶多幾個暖蛋去) 如果要買就買防水料既會最好, 如果買羽絨就要買防水面, 如果唔係d雪溶左係衫面就麻煩 (我上次係登別咁啱落雨, 我地著gotex就最正, only件外套濕晒, 入面少少都冇濕到, 上車對住個冷氣吹一陣就乾晒, 掂呀)

    旺角&深水埗都會d平價雪褸雪褲賣, 你可以去look下先.

    2/ 鞋你著普通既去就得啦, 係便利店會有d可以套係鞋面既防"扇"既賣, 唔駛1000yen. 唔駛買啦~~

    3/ 牛仔褲 <--- 一定涷, 我就著運動褲再係入面打底

    4/ 旅行喼就大把地方有得賣啦, 好似吉之島, 永安呢d百貨公司大把你揀, 5-600蚊就有29吋既喼

    5/ 東京同北海道都差好遠, 係東京係大城市, 大把高樓大廈, 冇咁大風, 係北海道一定要帶帽, 唔係一定會吹到頭痛呀 !!

    6/ 我係聖誕去東北, 我都未唱$$$, 而家要成8個幾, 都唔知幾時會跌, 我就等臨出發先換 (我係7月plan&book野果陣都係7.6, 而家..., 我果陣都冇諗過會差咁遠.....冇計)

  • 1 decade ago

    我地係專門訂做/出售日本復古行李箱, 有興趣歡迎參觀以下呢個blog睇圖片:

    http://hk.myblog.yahoo.com/bbbu88

    (我有幾個客人都係化妝師, 佢地都訂黎出job用, 夠靚同搶眼)

  • ?
    Lv 7
    1 decade ago

    現在的天氣去有積雪北海道,如果你體質唔係太潺、又唔滑雪,建議穿棉質底衫+抓毛T-shirt + 羽絨已足夠,若穿牛仔褲,最好穿多一條貼身棉質長褲保暖 。腳上穿羊毛襪、防水鞋 保暖較佳 (但唔想為幾日行程置咁多裝備,波鞋都算啦。) 日本的室內/車上暖氣好勁 (我就熱到發滾),戶外/內時間一半半,去幾日,應該可渡過,況且去到北海道,行街遇到平貨可能會即時買。(我上次在 Robinson百貨公司買了對鞋回來,又平又靚。)

    2008-12-04 22:58:32 補充:

    樓下 lambdayhi 的話你要聽喎,好實際。

    無羽絨褸?有想過問友借用日呀?但要注意一般平價羽絨褸,除衫後會著到一身羽毛,黐到週圍係,都幾樣衰!

    東京到北海道,乘機都幾個鐘,2月去真係凍!

    日元 8.30,我 95 年去時都係個 rate (好彩後期每次去都係 6個幾) 以為呢世都唔會再咁高,點知現在又係,我想近期都係回極 8 元左右。

Still have questions? Get your answers by asking now.