asked in 政治及管治法律及道德 · 1 decade ago

十年前在英國欠下卡數,如現在去英國工幹,會有什麼問題出現呢?

十年前在英國讀書欠下卡數(HSBC),回港後一直冇處理,九月尾公司要我到英國工幹,點算?應該怎辨?會否拉我?有什麼辦法解決呢?

Update:

謝謝你 peter !另外是否出入境基本上冇問題呢?

2 Answers

Rating
  • 1 decade ago
    Favorite Answer

    根據英國法例, 你在英國爭卡數冇處理, 信用卡公司會告上法庭. 如果你無上庭, 咁法庭會在你缺席下判你輸. 呢個判決叫做 County Court Judgement (CCJ). 債主可憑CCJ要你到法庭, 向法庭交待你嘅財務背景, 並下令你每月扣除生活費後還某個額嘅債. 情況就好似香港嘅破產. 但就唔係真係破產. 而英國嘅信貸資料公司會將呢個CCJ登記在你名下, 為期7年. 咁你就唔可以向另一銀行借錢, 甚至開戶口. 同香港一樣.

    你走咗番香港, 好明顯無經歷以上程序或還過錢. 咁你個CCJ就算係 Unsatisfied Judgement. 理論上信用卡公司可以追你成世或告你破產. 但英國破產係好大件事, 唔似香港咁兒戲. 所以佢應該唔會告你破產. 但同香港一樣, 你被列入黑名單, 理論上只係 keep 7年. 但其實 d 銀行自己內部係會 keep 住個record嘅. 所以你係唔可以再去 HSBC開戶口. 而你個名亦會被放在 "Watch List". 你到另一銀行開戶口, HSBC會有你新地址. 佢哋有可能再追你數.

    英國同香港一樣, 欠債唔係刑事. 無人會因你欠債而拉你.

    如果欠債唔大, 我建議你去到英國時行入 HSBC 分行, 話你爭佢卡數, 想俾錢, settle 咗佢算. 廢事俾人追. 但要同佢講明只俾本金唔俾息, 否則俾死你!

    無錢或唔想還, 就喺人追數時話無呢個人. 英國無 ID card, 鬼知你係阿水...

    2008-09-05 00:37:30 補充:

    只要你持有有效Visa, 出入境當然無問題. 而當局發visa時, 係唔會理會你在英國有無爭人錢嘅.

    Source(s): Veni - Vidi - Vici
  • 1 decade ago

    完全認同 peterchan7708 說法, 海關憑乜理由拉你? 欠債純粹是民事案, 等如在街上被警察 check 身分證, 有冇話 check 到某君: 你欠乜乜財務公司錢十年未還, 我依家要拉你. 你聽過未?

    就算英國海關咁荒唐拉你. 係唔係要你做人質, 等你家人匯錢去 (熟)人呢.

    海關可能話:唔還錢唔比入境. 你入境或者去還錢呢. 唔通好似押犯咁, 搵銀行職員來一手交一手?

    唔洗怕, 照去, 不入虎穴, 焉得虎子?

Still have questions? Get your answers by asking now.