TVB(翡翠台)對香港的小孩影響重嗎?它播出的東西合乎香港人的要求嗎?

Question

我認為很重...而且現今小孩都不去探求真相,很多的錯誤都學過來了....而且就以動畫來說,它播出的動畫,在香港都會賣出玩具...是一台的關係?我覺得TVB除了明星多之外,都不太好啊...你們不覺得它一直都走"師奶"路線的嗎????星期一至五有2.5小時都是播連續劇..要知道這是媽媽一輩最喜歡談論的部份啊!相反來說在青年一輩的,就只有追星節目了....(新聞是必須,別在那裡吵)

而且太量節目片段/鏡頭刪減,例如之前"唐伯虎點秋香"的對白....既然這樣,為什麼播"頭文字D"的時候,"打x機","x街"呢D詞句又出得街呢?金石良緣又咁多粗口?又唔夠膽用"吊"窩....播出街一係用曬佢,真d,一係完全唔好播!

請發表自己意見,謝謝合作

Answer 1

Favorite Answer

(1)TVB(翡翠台)對香港的小孩影響重嗎?

我亦同意你所講：「TVB(翡翠台)對香港的小孩影響很重」，所以家長應該幫他們的小孩選擇一些合適嘅電視節目，而唔係怕個小朋友黐住自己就任由佢哋睇電視，而且睇得多電視係會心散。小孩嘅發展唔應該由電視台去觀輸，而係由父母教導正確嘅觀念。

(2)你們不覺得它一直都走"師奶"路線的嗎????

TVB亦只係一門生意，佢絕對無任何社會責任去教育下一代/觀輸正確嘅觀念，佢哋嘅objectives就只係要得到好收視，多公司喺佢哋台度賣廣告增加收入而已。

你講得好啱，TVB真係走「師奶路線」的。我認識一個TVB監製，佢正是製作你所講「師奶路線」的連續劇。我同佢講我根本沒有睇過佢製作嘅連續劇，我只會TVB睇新聞及明珠台嘅連續劇，佢亦知道「因為個target根本就唔係你哋，而係師奶」。

咁呢啲就真係要講一講Strategy Management(策略)，佢要同佢嘅competitor競爭，佢就要有competitive advantage，先可以達到我以上所講嘅objectives呢？

佢哋用緊嘅strategy就係differentiation，亦即係話用「多款式、多選擇」去吸引「大多數嘅觀眾」，而好明顯嘅就係「師奶」及「小朋友」就係呢個「大多數嘅觀眾」，係咪？專業人仕都唔會得閑去睇「師奶路線」的連續劇啦，係咪？

(a)多明星喺手：吸引少男少女 (大多數嘅觀眾)

(b)播多啲卡通片：吸引小朋友 (大多數嘅觀眾)

(c)播多啲「師奶路線」的連續劇：吸引師奶 (大多數嘅觀眾)

(d)播資訊性/有內容啲嘅節目, etc：吸引其他層面嘅觀眾

咁你話係咪差唔多各層面嘅觀眾佢都覆蓋到，而關於「其他層面嘅觀眾」如果唔鍾意睇TVB，咪睇Pearl囉，係咪？Pearl咪又係佢哋嘅。

(3) 大量節目片段/鏡頭刪減…一係完全唔好播!

　(a)片段/鏡頭刪減唐伯虎點秋香的對白

因為周星馳已經唔係少男少女 (大多數嘅觀眾)嘅偶像，而變咗師奶嘅偶像，佢哋已經唔駛咁冒險去遷就呢個層面嘅觀眾，而且呢套戲係古裝，咁片段/鏡頭刪減亦不無道理。

　(b)「頭文字D」

呢套戲係時裝，佢哋要現實啲，而且佢哋係serve緊啲少男少女 (大多數嘅觀眾) ，咁冒吓險都要啦。

其實睇電視多數都只因為消磨時間及娛樂，係咪？如果覺得佢哋嘅節目有問題可以投訴(阿嬌賑災節目都可以投訴啦，爆晒粗唔得！？)、唔睇TVB睇亞視，你係消費者，你完全有權去選擇睇什麼節目，呢個就係你嘅自由。

2008-04-08 11:55:35 補充：

(4)以下呢段應該係答「它播出的東西合乎香港人的要求嗎?」

TVB亦只係一門生意，佢絕對無任何社會責任去教育下一代/灌輸正確嘅觀念，佢哋嘅objectives就只係要得到好收視，多廣告客戶喺佢哋台度賣廣告增加收入而已。

2008-04-08 12:18:35 補充：

以下是TVB嘅「公司業務」範圍，只係一門生意而已。

電視廣播有限公司 (0511.HK)

公司業務

集團是全港首間商營無線電視台，其主要業務包括電視廣播、節目發行及分銷、海外衛星收費電視業務、頻道業務、及流動裝置的內容供應、入門網站、雜誌出版、電影發行與分銷及其他相關服務。

Source: http://hk.biz.yahoo.com/p/hk/profile/index.html?s=...

2008-04-09 07:57:58 補充：

唔好意思打錯晒啲字

Strategy Management 應該係 => Strategic Management

competitor 應該係 => competitors

competitive advantage 應該係 => competitive advantages

觀輸 應該係 => 灌輸

2008-04-14 10:46:46 補充：

仲想補充一吓point(3)

以我記得，播電影通常係喺星期六或星期日，啲少男少女多數都會出咗街，咁如果好似「頭文字D」嗰啲戲唔播得足本啲，又點可以吸引到啲少男少女留喺屋企睇呢。啲少男少女睇完一次，發覺電視台刪減晒啲片段/鏡頭，佢哋會覺得無癮，下次仲會睇？

而「唐伯虎點秋香」，呢套戲嘅target都應該會係師奶，師奶星期六或星期日有乜好做？咁就緊係黐住部電視機啦，消磨時間，所以唔駛咁冒險去遷就佢哋，畀乜佢哋，佢哋就會要乜，而且如果佢哋鍾意周星馳嘅話，一定會睇囉。

Source(s): , http://hk.biz.yahoo.com/p/hk/profile/index.html?s=...

Answer 2

香港是一個商業城市, 電視其實是傳播媒體, 有一定的社會責任, 可惜在重商重利的環境之下, 缺乏道德與教育的.

我知道日本,台灣,甚至美國都有公共電視台,由國家經營, 所播出的節目是經過篩選的,有教育意義的.對市民的心身靈有幫助的.

我們可以建議比照香港電台的模式, 由政府輔導成立類似電視台,讓不喜歡商業導向的人有其他的選擇.