Gabriel asked in 社會科學社會學 · 1 decade ago

來到澳洲讀書,忽然對自己的身份有個疑問"Where should i belong?"

來到澳洲讀書兩個月,

漸漸開始懷疑自己是否一個香港人

原因如下:

1.我同宿舍的香港人關係很差

2.我不喜歡‘浦’

3.我不喜歡濫交

4.我不追求過份的物質

5.我不太喜歡那些人很會應酬人但卻只會說些無味的應酬說話的人

6.絕大部份的人覺得我與典型的香港人並不相同

如是者,我永遠不能與宿舍的香港人相處 ,

卻可以其他不同國籍的人相處 ,

我也是宿舍中極極少數可以給他們好印象的香港人

我並不是混血兒 , 卻覺得骨子裡混了血

到底發生了甚麼事呢?

我需要移居海外嗎?

我總覺得自己對香港的印象總是一般呢

Update:

我也不是與所有的香港人關係不好,

只是關係好的都不是住在宿舍啦

2 Answers

Rating
  • Best Answer

    其實你係無咩問題...

    個d係你既性格...每個人都有自己既一套...

    唔需要隨波逐流...

    但係...<<5.我不太喜歡那些人很會應酬人但卻只會說些無味的應酬說話的人>>

    你呢到我建議你應該要學下說話既技巧...

    唔好用永遠都唔可以同香港人相處...

    試下改變說話既方式...朋友自然會向你來

    你懂得反思其實你都係想改過..不是嗎??

    你要知道香港人的工作壓力比其他地區或國家既大...

    大部份人鐘意"浦"都唔可以怪...如果真係有人邀請你...

    你就順他們一兩次意思...你認為許可就做啦!!!

    你需唔需要為左..自己不能與人相處就移民呢???

    始終都解決唔到問題嫁...你係要解決問題嗎.

    你覺得香港人既印象一般...

    你都係站左一個中立既態度..

    有時你可以發表自己意見嫁..

    但係你有時見到香港人爭取到一些對自己唔差既野時..

    你又會覺得唔錯喎...是嗎???

    有野再問我呀!!我會盡力幫你呢!!

    Source(s): 自己
  • Silvia
    Lv 6
    1 decade ago

    嘩! 我同你簡直係非常相似呀!

    唔同既係...我係澳洲讀左5年書, 依家番左香港搵野做.

    雖然我又未至於同香港人關係很差, 只係難傾得埋. 當然個陣我都有一兩個非常要好既香港朋友. 其餘2-6點都好似我呀!!

    我個陣都比較少群香港人, 因為我唔鍾意唱K, 唔鍾意打牌, 唔鍾意煲TVB 劇. 基本上佢地鍾意做既我都唔好.

    同外國人相處都冇大問題既, 我housemate 都係星加坡人. 但同佢地又未去到知己咁close, 都係傾得埋囉.

    自從我番左黎香港之後, 就愈來愈覺得香港唔岩我, 好多野都唔及澳洲.

    雖然我係香港長大, 但係我係澳洲人, 即擁有澳洲passport; 所以依家我就愈來愈覺得自己唔係香港人, 我個心, 係屬於澳洲. 第時退休真係要番去住呀!

    可能你會問, 咁點解我讀完書唔留係個邊. 係因為我想同屋企人一齊. 過左5年獨立生活, 真係夠喇. 所以無論我幾想係澳洲, 同屋企人住始終重要d.

    你咪當自己係ABC 囉. 淨係同外國人玩都好正常既~至於你是否需要移居海外, 就過早考慮喇. 如果你係過去讀大學既, 就好好enjoy 埋呢幾年外國生活啦. 畢左業可以再申請入籍呀. 到時你可能會有另一番見解.

    ~:)

Still have questions? Get your answers by asking now.